tg-me.com/yasralardy/1731
Last Update:
قصيدة منبرية اساسية
ذكرى استشهاد الامام الصادق (ع)
جعفري وانت امام الجعفريه
رافضي وانت ذخر الرافضيه
مو دمع نبجي الدماء
سيدي وهذا النداء
رافضي وانت ذخر الرافضيه
............................................
مانفع دمع البواجي ومارجعت الشيعتك
يالرحت واثار فكَدك بينت بمصيبتك
ياغريب ابديرة اهله اعليك ذبلت غربتك
ردنه بس الساعه توكف حته ننعه روحتك
والغريب من يروح ايعوف جوهر ذكريات
ياطبيب وتشفي كلمن جرحه ضل بالامنيات
ضلت الصرخه عزاء
سيدي وهذا النداء
رافضي وانت ذخر الرافضيه
............................................
دنيه ضلمه ابلا وجودك للظلام انت الضوه
سيدي وهذا اعتقادي بعدك ايموت الهوه
كل حياة ابلا ضميرك هيه والميت سوه
يانهر والماي ضامي من حروف اسمك روه
من يروح واهس الغبشه على الورده الذبول
من يبوح بانكسار الماي اذا مابي هطول
وبمزخات البكاء
سيدي وهذا النداء
رافضي وانت ذخر الرافضيه
............................................
خل يموت الليل بعدك لاتموت النافله
مدرسه وبلا علومك وطن مابي كربله
جعفر وكل جعفريتك للروافظ بسمله
توضت اشفايفنه بسمك يالرحيلك مشكله
من مشيت زاد بالاقدام ثكل النايبات
وما أجيت وسفه بتراب القبر وجهك يبات
يامنار الانتماء
سيدي وهذا النداء
رافضي وانت ذخر الرافضيه
............................................
عايف ابيتك محرم جم رقيه اتضل تون
وجم عقيله البني هاشم خيمه لوجودك تحن
تحترك روح الفواطم من ذِكِر سوط المتن
فاجعه كبرى ابرحيلك غير هذا مانظن
جم يتيم يبقه ميت شوق للكَلب الرحيم
والأليم سهم فكَدك يترك الجرح العظيم
انت رمز الاوفياء
سيدي وهذا النداء
رافضي وانت ذخر الرافضيه
............................................
لطيحتك مسموم جبدك سمه طاحت عالارض
تيتمت حوزة محمد والتوه اعليك الفرض
مو على الامر الالهي يبو الكاظم نعترض
عالحكومه الغيبتكم ضيكَو حته الارض
غيبوك ورحمة الله الغابت ابشد الرحال
سمموك اجبيره اذا اوصفهم اشباه الرجال
سدو ابواب الرجاء
سيدي وهذا النداء
رافضي وانت ذخر الرافضيه
الشاعر
ياسر العارضي
BY الشاعر ياسر العارضي
Warning: Undefined variable $i in /var/www/tg-me/post.php on line 280
Share with your friend now:
tg-me.com/yasralardy/1731